ملتان : (اے پی پی):الیکشن کمیشن کی جانب سے ملتان کے حلقہ این اے 157میں پولنگ کی تاریخ کااعلان ہوتے ہی انتخابی سرگرمیاں دوبارہ شروع ہوگئیں ،اس حلقے میں سیلاب کے باعث الیکشن ملتوی کرنے کااعلان کیاگیاتھا،تاہم بعدازاں امیدواروں کے اصرار پرالیکشن کمیشن نے دوبارہ تاریخ کااعلان کردیا۔
پولنگ 9اکتوبرکوہوگی یہ نشست پی ٹی آئی کے ایم پی اے زین حسین قریشی نے خالی کی تھی اوراس نشست پرپاکستان تحریک انصاف کی جانب سے سابق وزیرخارجہ مخدوم شاہ محمو دقریشی کی صاحبزادی مہربانوقریشی اورپاکستان پیپلزپارٹی کی جانب سے سابق وزیراعظم سید یوسف رضاگیلانی کے صاحبزادے علی موسیٰ گیلانی مدمقابل ہیں ۔امیدواروں نے کارنرمیٹنگز اورگھرگھرجاکرووٹ مانگنے کاسلسلہ دوبارہ شروع کردیاہے ۔
ریٹرننگ افسرمحمد سلیم نے اے پی پی سے بات چیت کرتے ہوئے کہاکہ این اے 157میں صرف پولنگ ہوناباقی ہے باقی انتخابی عمل مکمل ہوچکاہے ۔الیکشن کمیشن کی تیاریاں بھی مکمل ہیں ،9اکتوبرکوپرامن اورشفاف انتخابات کاانعقا د یقینی بنایاجائے گا۔
