ٹی ٹوئنٹی ورلڈ کپ 2021 کے دوسرے روز بنگلہ دیش نے سری لنکا کے خلاف پہلے بیٹنگ کرتے ہوئے مقررہ اوورز میں 4 وکٹوں پر 171 رنز بنالیے۔
سپر 12 مرحلے کے تیسرے میچ میں سری لنکا نے بنگلہ دیش کے خلاف ٹاس جیت کر پہلے فیلڈنگ کا فیصلہ کیا۔
سری لنکن باؤلرز کے خلاف اچھا آغاز دیتے ہوئے بنگلہ دیش کے محمد نعیم اور لٹن داس نے پہلے پانچ اوورز میں بغیر کسی نقصان کے 37 رنز بنائے۔
بنگلہ دیش کی پہلی وکٹ چھٹے اوور کی آخری گیند پر لٹن داس کی صورت میں گری جب ٹیم کا اسکور 40 رنز تھا جبکہ لٹن داس 16 رنز بنا سکے۔
تجربہ کار آل راؤنڈر شکیب الحسن بھی جلدی آؤٹ ہوئے اور صرف 10 رنز کا اضافہ کرپائے، ان کی وکٹ کرونارتنے کے حصے میں آئی۔
ٹی 20 ورلڈ کپ کے سلسلے میں آج 2 مقابلے کھیلے جارہے ہیں جس میں پہلا میچ بنگلہ دیش اور سری لنکا کی ٹیموں کے درمیان کھیلا جا رہا ہے جبکہ دوسرا پاک بھارت ٹاکرا ہوگا۔
بنگلہ دیش کی ٹیم میں تسکین احمد کی جگہ نسم احمد کو شامل کیا گیا جبکہ سری لنکا کے مہیش تھیکشانا کے زخمی ہونے کے باعث ان کی جگہ بنورا فرنینڈو کھیل رہے ہیں۔
(بشکریہ:ڈان نیوز)
Previous Articleسمیع چوہدری کا کالم:ورلڈ ٹی 20 میں انڈیا بمقابلہ پاکستان: ’جِگرے‘ والی کرکٹ سے ذرا بچ کے
Next Article وسعت اللہ خان کا کالم : میں اور ڈینگی کے مزے