اسلام آباد : جشن آزادی کے موقع پر بھارت نے پاکستان پر بڑا سائیبر حملہ کیا ہے جس کے نتیجے میںوزارت دفاع سمیت پاکستان کی متعدد سرکاری محکموں اور اداروں کی ویب سائیٹس ہیک ہو گئی ہیں ۔ یہ حملہ رات 9 بجے کے قریب ہوا ہوا اور ہیکرز نے ان سائیٹس پر بھارتی جھنڈے اور نعرے لگا دیئے ۔ جو ویب سائیٹس اس حملے سے متاثر ہوئیں ان میں وزارت دفاع، انفارمیشن ٹیکنالوجی ، وزارت پانی و بجلی کی ویب سائیٹیں بھی شامل ہیں ۔ ماہرین رات گئے تک ان سائیٹس کی بحالی کی کوششیں کرتے رہے تاہم ابھی تک بہت سی سائیٹس بند ہیں۔
