اسلا آباد : وفاقی وزیرداخلہ چودھری نثارعلی خان نے پاکستان مسلم لیگ نواز کی قیادت سے اختلافات کو مسترد کردیا ہے۔ وزارت داخلہ سے جاری اعلامیے میں کہا گیا ہے کہ ‘وزیرداخلہ گزشتہ روز کابینہ کے اجلاس کو ادھورا چھوڑ کر چلے گئے تھے اور نہ ہی اجلاس کے دوران کوئی تلخ کلامی ہوئی تھی’۔ترجمان وزارت داخلہ نے میڈیا پر زور دیا کہ وہ وفاقی وزیرکے حوالے سے ‘غیرمنطقی قیاس آرائیوں اور غیرحقیقی بیانات’ سے گریز کرے۔ ان کا کہنا ہے کہ ‘میڈیا کے ایک حلقے نے اس حوالے سے بے بنیاد خبریں چلائیں’۔ وفاقی کابینہ کے اجلاس کے ایک روز بعد حکمراں جماعت کا پارلیمانی اجلاس منعقد ہوا جس میں وزیرداخلہ چودھری نثار موجود نہیں تھے تاہم وزارت داخلہ نے اس حوالے سے وضاحت کردی تھی۔ وزارت داخلہ کے اعلامیہ میں کہا گیا ہے کہ ‘چودھری نثارذاتی مصروفیات کے باعث جماعت کے پارلیمانی اجلاس میں شرکت نہیں کرسکیں گے اور یہ پہلی مرتبہ نہیں ہورہا ہے اس لیے اس پر قیاس آرائیاں نہیں ہونی چاہیں’۔ مزید کہا گیا ہے کہ چودھری نثار اگلے چند روز میں میڈیا کے سامنے اپنا نقطہ نظر رکھیں گے۔ خیال رہے کہ گزشتہ روز ذرائع نے بتایا تھا کہ وزیرداخلہ نے اجلاس میں وزیراعظم کو خود اور ان کے خاندان کو احتساب کے لیے پیش کرنے پر زور دیا تھا اور پارٹی کو خبردار کیا تھا کہ جے آئی ٹی کی رپورٹ کے بعد احتیاط برتنا چاہیے۔ تاہم چودھری نثار نے میڈیا میں ان کے حوالے سے چلنے والی خبروں کو رد کردیا تھا۔
اتوار, نومبر 22, 2026
تازہ خبریں:
- حسین نقی : آزادی صحافت اور انسانی حقوق کی توانا آواز خاموش ہو گئی
- پاکستان میں نظام کیسے ’ری سیٹ‘ ہوسکتا ہے؟ سید مجاہد علی کا تجزیہ
- ’ری سیٹ‘ کی بھول بھلیوں میں الجھائی گئی پاکستانی قوم : سید مجاہد علی کا تجزیہ
- بلاول صاحب ! آئین کمزور کرکے پارلیمنٹ مضبوط کیسے ہوگی؟ : سید مجاہد علی کا تجزیہ
- نقشے سے باہر کا آدمی : یاسر پیرزادہ کا مکمل کالم
- نئے صوبے اور سندھ اسمبلی کا احترام : نصرت جاوید کا کالم
- عمران خان کا ججوں کے نام خط اور حکومت کی سنگ دلی : سید مجاہد علی کا تجزیہ
- پہاڑی پر مقیم معمر خاتون کا شہر منتقل ہونے سے انکار : بچوں نے 430 سیڑھیاں تعمیر کر دیں
- سالک کا کون مالک؟ سہیل وڑائچ کا کالم
- نئے صوبوں سے کیا حاصل ہو گا ؟ سید مجاہد علی کا تجزیہ

