انٹر نیشنل کرکٹ کونسل نے کورونا وائر س کی وجہ سے کرکٹ شائقین کو گھروں میں قید کرنے کا منصوبہ لانچ کردیا.جمعرات کو کرکٹ کی گلوبل باڈی نے اپنے پارٹنرز، براڈکاسٹرز اور کرکٹ فینزکیلئے بہت کچھ تیار کرکے واضح طور پر پیغام دیا ہے کہ
لوگ کووڈ -19کی وجہ سے گھر رکیں. ٹی وی ،موبائلز یا کمپیوٹر پر قریب نصف صدی کو دیکھتے، سنتے اور سمجھتے خاصا وقت صرف کریں.
اس کے لئے صرف عام انداز کی جھلکیاں نہیں ہیں بلکہ گزرے 45 برس کےدوران ہونے والے ورلڈ کپ،چیمپئنز ٹرافی، ٹی 20 ورلڈ کپ،ویمنز میگا ایونٹس،ایشز، پاک بھارت سیریز سمیت اہم ترین مقابلے .مقابلوں کے پس منظر میں تبصرے و تجزیئے شامل کئے گئے ہیں. جونیئر ز کیلئے انڈر 19 ودیکر لیول کے اب تک کے ایونٹس کو ہدف بنایا گیا ہے. لیجنڈری کرکٹرز کی پرفارمنس کو جمع کرکے ڈاکومنٹری فلم کی شکل دی گئی ہے. ایشیا ،آسٹریلیا. انگلینڈ و یورپ اور افریقا کے لئے الگ الگ ویڈیوز اور فلم بنائی گئی ہیں تاکہ ہر خطے کے لوگ اپنے ملک و پسندیدہ کھلاڑیو ں کی پرفارمنس سے لطف اندوز ہوسکیں. 1975 کے ورلڈ کپ سے یہ سلسلہ شروع کیا گیا ہے .
آئی سی سی چیف مانو سواہنی کہتے ہیں کہ دنیا بند ہے. کرکٹ لائیو ممکن نہیں ہے تو ہم نے براڈ کاسٹرز وپارٹنرز کیلئے بہت کچھ تیار کیا ہے تاکہ کرکٹ فینز وقت گزار سکیں اور جان سکیں کہ ان کے ہیروز اور ممالک کے کیا کارنامے ہیں. آئی سی سی نے دراصل ان ممالک کو لاک ڈائون کرنے میں مدد دی ہے جس کی عوام کورونا کی وبا سے بچنے کیلئے گھروں میں رکنے کو تیار نہیں. یادگار تصاویر، انمول ویڈیوز اور سینئر و سابق کرکڑز اور تجزیہ نگاروں کی مدد سے ایسی فلمز کو چار چاند لگائے ہیں جن میں تاریخی کارنامے سر انجام دیئے گئے ہیں.
آئی سی سی نے جاری کردہ تفصیلات کے ساتھ ورلڈ کپ 1992 کی وسیم اکرم کی یادگار بائولنگ کی جھلکیاں اور اس پر مبصرین کی آرا کی 7 منٹ سے زائد کی ویڈیو بھی ریلیز کی ہے.
