ریاض : سعودی عرب کی ایک عدالت نے پانچ افراد کو صحافی جمال خاشقجی کے قتل کے جرم میں سزائے موت سنا دی ہے۔سرکاری وکیل کے مطابق یہ واقعہ بغیر اجازت کے کیے گئے ایک آپریشن کے نتیجے میں پیش آیا تھا اور 11 افراد کو اس قتل کے الزام میں عدالت کے سامنے پیش کیا گیا۔
اقوامِ متحدہ کے ایک ماہر کے مطابق یہ ایک ’ماورائے قانون قتل‘ تھا۔اقوامِ متحدہ کی سپیشل ریپرٹور ایگنس کیلامارڈ نے مطالبہ کیا ہے کہ اس قتل کے حوالے سے سعودی ولی عہد محمد بن سلمان سے بھی تفتیش کی جائے۔
سعودی ولی عہد نے اس واقعے سے مکمل طور پر لاتعلقی کا اظہار کیا ہے، تاہم اکتوبر میں انھوں نے ایک بیان میں کہا تھا کہ سعودی عرب کے رہنما کی حیثیت سے وہ اس کی پوری ذمہ داری قبول کرتے ہیں۔
