لاہور: شہبازشریف خاندان کے اثاثے ٹی ٹی کے پیسوں سے بنانے کے الزام پر نیب نے گھیرا مزید تنگ کرتے ہوئے شہبازشریف فیملی کے مزید اثاثے منجمد کر دئیے۔ شہبازشریف فیملی کے اثاثے جات سے آنیوالی آمدن سے فائدہ نہیں اٹھا سکیں گے۔
نیب کے اس بڑے فیصلے سے شہبازشریف فیملی کے خلاف نیب کا گھیرا مزید تنگ ہو گیا، نیب نے شہبازشریف فیملی کے مزید اثاثے جات منجمد کر دئیے۔ نیب لاہور نے شہباز شریف کے گھروں کو فریز کرنے کے بارے خط لکھ دیا۔ نیب لاہور نے 96 ایچ بلاک ماڈل ٹاؤ ن کو بھی فریز کرنے بارے خط لکھ دیا ہے ۔
شہبازشریف کے ایبٹ آباد میں 9 کنال کے گھرکو بھی فریز کر دیا گیا، تہمینہ درانی کے نام بھی جائیدادیں منجمد کرنے کے احکاما ت جاری کئے گئے ہیں۔ شہبازشریف خاندان پر اثاثے ٹی ٹی کے پیسوں سے بنانے کا الزام ہے، شہبازشریف اب فیملی کے اثاثے جات سے آنیوالی آمدن سے فائدہ نہیں اٹھا سکیں گے۔
