اسلام آباد:ڈان ٹی وی نے وزیراعظم عمران خان کی نماز عید کے حوالے سے خبر ٹیلی کاسٹ کرتے ہوئے وزیراعظم ہاؤس کا نام لے کردربار حضرت میاں میر کی تصویر دکھا دی۔یہ تصویر اس بحث کے بعد دکھائی گئی جس میں یہ سوال کیاجارہاتھا کہ وزیراعظم عمران خان نے نماز عید کہاں ادا کی ہے ؟ ۔ڈان ٹی وی نے خبروں کے دوران بتایا کہ عمران خان نے نماز عید وزیراعظم ہاؤس میں ادا کی اور ساتھ میں وہ تصویر دکھادی جو انتخابات سے پہلے کی ہے۔ تصویر میں عمران خان اور علیم خان دربار حضرت میاں میر میں نوافل ادا کررہے ہیں۔واضح ہو کہ عمران خان کی نماز عیدالاضحی کے حوالے سے گزشتہ روز سے بحث جاری ہے۔ اس بارے میں سابق وفاقی وزیر ریلوے خواجہ سعد رفیق نے بھی ایک ٹوئٹ کیاتھا جس میں انہوں نے کہاتھا کہ دکھایا جائے کہ نئے حکمران نے نماز عید کب اورکہاں ادا کی۔اس پر سوشل میڈیا میں خواجہ سعد رفیق کوتندوتیز جوابات دیئے گئے۔تاہم دربار حضرت میاں میر کی تصویر سامنے آنے سے یہ بحث ایک نیا رخ اختیار کرگئی ہے ۔
