چیچہ وطنی : کوئٹہ سے پشاور جانے والی جعفر ایکسپریس کی اکانومی کلاس کوچ کے واش روم میں دھماکے کے باعث ایک خاتون جاں بحق ہوگئی ۔ریلوے ترجمان کے مطابق دھماکا چیچہ وطنی سٹیشن کے قریب ہوا۔جعفر ایکسپریس 7 بجکر 50 منٹ پر چیچہ وطنی سٹیشن پہنچی تو اکانومی کلاس بوگی نمبر 6 کے واش روم میں دھماکا ہو گیا۔
پولیس کا کہنا ہےکہ سرچ آپریشن کے بعد ٹرین کی دیگر بوگیوں کو کلیئر قرار دے دیا گیا ہے۔
جعفر ایکسپریس کو چیچہ وطنی ریلوے اسٹیشن پر روک لیا گیا ہے۔
ترجمان ریلوے کے مطابق جعفر ایکسپریس میں دھماکاسلنڈر پھٹنے کے باعث ہوا ، دھماکے میں جاں بحق خاتون کی شناخت کرلی گئی ہے، خاتون بہاولپور کی رہائشی تھی۔
واقعہ کی اطلاع ملتے ہی ریلوے افسران موقع پر پہنچ گئے. دھماکے کے نتیجے میں دو مسافر شدید زخمی ہو گئے جبکہ 3 مسافروں کو موقع پر طبی امداد دی گئی .پانچ زخمی مسافروں کو ڈی ایچ کیو چیچہ وطنی ہسپتال منتقل کردیا گیا ہے ۔
