محکمہ داخلہ سندھ نے سمی دین بلوچ کی ایم پی او کے تحت نظر بندی کا نوٹیفکیشن واپس لے لیا

کراچی: محکمہ داخلہ سندھ نے سمی دین بلوچ کی ایم پی او کے تحت جاری نظر بندی کا 25 مارچ کا نوٹیفکیشن واپس لے لیا۔
محکمہ داخلہ سندھ کے مطابق سمی دین بلوچ اگر کسی اور کیس میں مطلوب نہ ہوں تو رہا کیا جائے۔
سمی بلوچ احاطہ عدالت سے دوبارہ گرفتار، 3 ایم پی او کے تحت 30 روز کیلئے جیل منتقل
اس سے قبل پولیس نے دفعہ 144 کی خلاف ورزی کے الزام میں گرفتار بلوچ یکجہتی کمیٹی کی رہنما سمی دین بلوچ سمیت 5 ملزمان کو 25 مارچ کو جوڈیشل مجسٹریٹ جنوبی کی عدالت میں پیش کیا تھا۔
عدالت نے وکلا کے دلائل سننے کے بعد تمام ملزمان کو رہا کردیا تھا جس کے بعد پولیس نے محکمہ داخلہ کی جانب سے جاری نوٹیفکیشن کے تحت سمی دین بلوچ سمیت تمام ملزمان کو 30 روز کے لیے مینٹینس آف پبلک آرڈر کی سیکشن 3 کے تحت گرفتار کرلیا تھا۔
(بشکریہ:جیونیوز)