پشاور: سکیورٹی فورسز اور پولیس کی کارروائی میں انتہائی مطلوب دہشت گرد کمانڈر عبدالرحیم سمیت 3 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق پشاور کے علاقے حسن خیل میں سکیورٹی فورسز اور پولیس نے انٹیلی جنس بیسڈ آپریشن کیا۔آئی ایس پی آر نے بتایاکہ آپریشن کے دوران شدیدفائرنگ کے تبادلے میں 3 دہشت گرد ہلاک ہوگئے اور ہلاک دہشت گردوں میں ہائی ویلیو ٹارگٹ دہشت گرد کمانڈر عبدالرحیم بھی شامل ہے۔آئی ایس پی آر کا کہناتھاکہ دہشت گردوں سے مقابلے میں مادر وطن کے 4 بہادر بیٹے شہید ہوگئے جن میں صوابی کا 24 سالہ سپاہی محمد ادریس، کوہاٹ کے 34 سالہ سپاہی بادام گل شامل ہیں۔
آئی ایس پی آر کے مطابق سی ٹی ڈی کے سب انسپکٹر تاج میر شاہ اور اے ایس آئی محمد اکرم بھی شہدا میں شامل ہیں۔
آئی ایس پی آر نے بتایاکہ ہلاک دہشت گردوں سے اسلحہ اور گولہ بارود برآمد ہوا، دہشت گرد کمانڈر عبدالرحیم قانون نافذ کرنے والے اداروں کو انتہائی مطلوب تھا، حکومت نے اس کے سر کی قیمت 60 لاکھ روپے مقرر کررکھی تھی، وہ متعدد دہشت گردانہ سرگرمیوں میں ملوث تھا۔آئی ایس پی آر کے مطابق دہشت گرد کمانڈر 26 مئی کو کیپٹن حسین جہانگیر شہید اور حوالدار شفیق اللہ شہید کی شہادت کا ذمہ دار تھا۔
(بشکریہ:جیونیوز)
پشاور: سکیورٹی فورسز اور پولیس کی کارروائی، دہشتگرد کمانڈر سمیت 3 دہشتگرد ہلاک، 4 اہلکار شہید
ایڈیٹر4 Views
