اسلام آباد:سپریم کورٹ نے پی ٹی وی کے ایم ڈی اور چیئرمین کی حیثیت سے عطاالحق قاسمی کا تقرر غیر قانونی قرار دیتےہوئے ان کے پی ٹی وی میں ایڈمنسٹریٹو احکامات کو بھی غیر قانونی قرار دے دیا۔عدالت نے عطاالحق قاسمی کی بطور چیئرمین پی ٹی وی تقرری بھی غیرقانونی قرار دیتے ہوئے ریمارکس دئیے کہ غیر قانونی تعیناتی کے ذمےدار اُس وقت کے وزیر اطلاعات پرویز رشید تھے۔سپریم کورٹ نے عطاالحق قاسمی کے پی ٹی وی میں انتظامی احکامات کو بھی غیر قانونی قرار دیا اور ریمارکس میں کہا کہ آئندہ انہیں ایسے کسی عہدے پر تعینات نہ کیا جائے۔عدالت نے حکم بھی جاری کیا کہ غیرقانونی تعیناتی میں ملوث افراد سے 19 کروڑ78 لاکھ روپے واپس لیے جائیں۔
