ملتان۔ (اے پی پی):پاکستان اورانگلینڈ کی کرکٹ ٹیموں کے درمیان جمعہ کے روزشروع ہونے والے ٹیسٹ میچ کو اس لئے بھی اہمیت دی جارہی ہے کہ یہ ملتان میں 16برس بعد ہونے والا کوئی ٹیسٹ میچ ہے۔اس سے قبل آخری مرتبہ 2006ءمیں ویسٹ انڈیزکی ٹیم نے ملتان میں ٹیسٹ میچ کھیلاتھا۔اس میچ میں پاکستان کےبیٹسمین محمد یوسف نے پہلی اننگزمیں 56رنزاوردوسری اننگزمیں191رنزبناکرمیچ میں سب سے زیادہ رنزبنانے کاریکارڈقائم کیاتھا۔
19نومبرسے 23نومبرتک جاری رہنے والے اس میچ کےکپتان انضمام الحق تھےاوراس میں پاکستان کی جانب سےمحمدحفیظ ،عمران فرحت ،یونس خان ،محمدیوسف ،شعیب ملک ،عبدالرزاق ،کامران احمد،شاہد نذیر ،عمر گل اوردانش کنیریانے حصہ لیا ۔ویسٹ انڈیز کے کپتان برائن لارا تھے اورٹیم میں کرس گیل ،ڈیرن گانگا،مارٹن ،چندرپال ،برائیوو،ڈینش ،ڈیرن پاول،ٹیلراورکولی مور شامل تھے ۔یہ میچ ہارجیت کے فیصلے کے بغیر ختم ہوگیاتھا۔
فیس بک کمینٹ