ملتان (اے پی پی):معروف سرائیکی دانشوراورپاکستان سرائیکی پارٹی کے سابق آرگنائزنگ سیکرٹری محمود نظامی کوہم سے بچھڑے ایک برس بیت گیا۔ان کا 9نومبر2021ءکو انتقال ہوگیاتھا۔
محمود نظامی کاتعلق تونسہ شریف سے تھا ۔ وہ سرائیکی زبان وادب کے فروغ کے لیے عمربھرسرگرم رہے۔محمودنظامی ایک وسیع المطالعہ اور جمہوریت پسند شخصیت تھے جنہوں نے نئی نسل کے بہت سے دانشوروں کی تربیت کی۔
معروف کالم نگار اور دانشور حیدر جاویدسید نے اے پی پی سے بات چیت کرتے ہوئے کہاکہ محمودنظامی ان لوگوں کے سخت ناقد تھے جو سرائیکی وسیب کی قومی شناخت میں رکاوٹ بن رہے تھے۔
