جھنگ : ضلع جھنگ میں ایک مسافر وین اور طلبا سے بھری یونیورسٹی کی بس میں تصادم میں 14 افراد ہلاک اور متعدد زخمی ہو گئے ہیں۔
ریسکیو 1122 کے ترجمان نے ہلاکتوں کی تصدیق کرتے ہوئے بتایا کہ یہ حادثہ کلی فقیر کے قریب فیصل آباد روڈ پر پیش آیا جہاں ویٹرنری یونیورسٹی جھنگ کی بس لاہور جا رہی تھی اور مخالف سمت سے آنے والی وین سے ٹکرا گئی۔
ریسکیو 1122 کے مطابق یہ حادثہ تیز رفتاری کے باعث پیش آیا اور ریسکیو کنٹرول روم کو اطلاع ملتے ہی پانچ گاڑیاں جائے حادثہ کی طرف روانہ کی گئیں اور ہنگامی بنیادوں پر زخمیوں کو ابتدائی طبی امداد کے بعد ڈی ایچ کیو جھنگ منتقل کر دیا گیا۔
حادثےمیں 29 افراد زخمی ہوئے ہیں جنہیں ڈی ایچ کیو اسپتال منتقل کر دیا گیا ہے۔ مرنے والوں میں تین خواتین اور ایک بچہ بھی شامل ہے۔
( بشکریہ : جیو نیوز )
