اسلام آباد :پاک فوج کے شعبہ تعلقات عامہ ( آئی ایس پی آر ) نے کہا ہے کہ تحریک انصاف کے چیئر مین اور سابق وزیراعظم عمران خان کے ادارے پر الزامات غیر ضروری ہیں۔پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق پاکستان تحریک انصاف کے چیئر مین کے ادارے پر الزامات بے بنیاد اور غیر ذمہ دارانہ ہیں، ان کی جانب سے ادارے اور سینئر افسر کیخلاف الزامات قابل قبول نہیں، حکومت سے معاملے کی تحقیقات کی درخواست ہے۔ پاکستان کی فوج انتہائی پیشہ ور اور نظم و ضبط کی حامل تنظیم ہے۔بیان کے مطابق وردی پوش اہلکاروں کے ذریعے غیر قانونی کارروائیوں کیلئے احتسابی نظام موجود ہے، مفاد پرستوں کے فضول الزامات سے فوجیوں کی عزت کو داغدار کیا جا رہا ہے، ادارہ حسد سے اپنے افسروں اور سپاہیوں کی حفاظت کرے گا، ادارے پر لگائے گئے بے بنیاد الزامات انتہائی افسوسناک اور قابل مذمت ہیں۔آئی ایس پی آر کے مطابق کسی کو بھی ادارے یا افسران کی بے عزتی کی اجازت نہیں دی جائے گی، حکومت سے درخواست کی گئی ہے، معاملے کی تحقیقات کرے، حکومت ادارے اور افسر کیخلاف ہتک عزت پر قانونی کارروائی کرے، حکومت جھوٹے الزامات کےذمہ داروں کیخلاف قانونی کارروائی کرے۔
بشکریہ دنیا نیوز