کورونا وائرس کے سائےخوف و موت سے بڑھ کر بھوک ،افلاس اور بے روزگاری کی شکل میں سامنے آنے لگے ہیں. نچلے طبقے کے ممکنہ حالات سوچے جاسکتے ہیں لیکن امیر ممالک کے اونچے طبقات پر اسکے اثرات اتنی جلدی پڑیں گے ،یہ کوئی سوچ نہیں سکتا تھا. فٹبال اور کرکٹ کو ویسے بھی دولت کی ریل پیل کا دوسرا نام سمجھا جاتا ہے ایسے میں آسٹریلیا جیسے ملک سے ان شعبوں کی تشویشناک خبریں ملیں تو حیرانگی تو ہوگی ہی.
ایڈیلییڈ اسٹرائیکرز کے چیف سمیت 23 افراد کو کورونا کی وجہ سے سامنے آنے والی مالی مشکلات کی وجہ سے نکال دیا گیا ہے.
ساؤتھ آسٹریلیا کرکٹ ایسوسی ایشن اپنے ملک کی ایسی پہلی اسپورٹس آرگنائزیشن بن گئ ہے جس نے کورونا اٹیک پر اپنے اسٹاف کو کم کردیا ہے .149 سالہ تاریخ کا یہ پہلا واقعہ بے. بیش لیگ کی ٹیم ایڈیلییڈ اسٹرائیکرز کے چیف سٹیو بیلڈاس کے ساتھ 16 رکنی اسٹاف اور 7 کنٹریکٹ پر کام کرنے والے ملازمین کی برطرفی کردی گئی ہے. یہی نہیں بلکہ ایسوسی ایشن نے باقی بچ جانے والے تمام اسٹاف کی تنخواہوں سے 20 فیصد کٹوتی کردی ہے اس میں ایگزیکٹوعہدیداران بھی شامل ہیں. کرکٹ ایسوسی ایشن نے فٹبال ایسوسی ایشن کے ساتھ ملکر ٹی 20 ورلڈ کپ کی تیاری کیلئے ایڈیلییڈ اوول کی تیاری ونئے ہوٹل کیلئے 42 ملین آسٹریلین ڈالرز کا قرض بھی لے لیا ہے .
