اینٹی کرپشن عدالت نے (ن) لیگ کے سینیٹرحافظ عبدالکریم کو کرپشن کے مقدمے سے بری کردیا

ملتان: اینٹی کرپشن عدالت نے پاکستان مسلم لیگ (ن )کے سینیٹر حافظ عبدالکریم کوکرپشن کے مقدمے سے بری کردیا۔
تفصیلات کے مطابق اینٹی کرپشن عدالت کے جج آصف مجید اعوان نے منگل کے روز سینٹر حافظ عبدالکریم اور ایم ڈی اے کے تین ملزمان کو مقدمہ سے بری کردیا۔عدالت نے ایڈووکیٹ شیخ جمشید حیات کی جانب سے دائر بریت کی درخواست پر فیصلہ سنایا۔
بری ہونے والے ملزمان میں ڈپٹی ڈائریکٹر ایم ڈی اے شیخ اقبال، اسسٹنٹ ڈائریکٹر شاہد انور مجید اور بلڈنگ انسپکٹر ایم ڈی اے توقیر عباس بھی شامل ہیں۔ عدالت نے ناکافی شواہد کی بنیاد پر ملزمان کو بری کیا۔ ایم ڈی اے کے افسران پر حافظ عبدالکریم کے پلازہ بنانے میں فائدہ پہنچانے کا الزام تھا۔اینٹی کرپشن نے 2016 میں مقدمہ درج کیا جبکہ 2021 میں حافظ عبدالکریم کوملزم نامزد کیا گیا۔
درخواست گزار کے مطابق سینٹ کے حالیہ انتخابات میں حافظ عبدالکریم کی حمایت حاصل کرنے میں ناکامی کے بعد نام پرانے مقدمہ میں شامل کردیا۔ ایم ڈی اے کے ڈائریکٹر جنرل اور گورننگ باڈی کی انکوائری میں حافظ عبدالکریم کو بے قصور لکھا گیا تھا