گھر بیٹھے مفت کتابیں حاصل کریں : گردو پیش کی طرف سے قومی یوم کتاب کے موقع پر نئی سکیموں کا اعلان

ملتان ۔۔قومی یوم کتاب کے موقع پر ’’گردوپیش پبلیکشنز‘‘ نے کتاب دوستی کے فروغ کے لیے بک کلب کے اراکین کو سستے داموں کتابیں فراہم کرنے کی نئی سکیموں کا اعلان کیا ہے۔یہ بک کلب 24 جنوری 2024ء کو قائم کیاگیا تھا اور اس کی سالانہ فیس 500روپے مقررکی گئی تھی۔گردو پیش ملتان کے آفس سے ان دنوں نوجوان سکالر شہزاد حسین منسلک تھے جو زکریا یونیورسٹی میں زیر تعلیم تھے ۔ شہزاد نے کلب کے ایڈمن کی حیثیت سے تمام اراکین سے مسلسل رابطہ رکھا اور ان کے ساتھ مراسلت بھی جاری رہی ۔ شہزاد بعد ازاں اپنے آبائی علاقے میں چلے گئے اور بعض وجوہات کی بنا پر پھر ہمیں دفتر بندکرنا پڑ گیا ۔ کتابوں کی اشاعت کی رفتار بھی کم ہوئی اور ترسیل بھی ۔ 2024ء میں اراکین کی تعداد بھی کم تھی اور کتابیں بھی زیادہ تعدادمیں شائع نہیں کی جاتی تھیں ۔
تاہم کلب کے اراکین کو گردوپیش کے زیر اہتمام شائع ہونے والی ہر کتاب ان کے گھروں کے پتوں پرمفت ارسال کی جاتی رہی اور ان سے ڈاک کے اخراجات بھی وصول نہیں کیے جاتےکلب کے تاسیسی اراکین کا شکر گزار ہوں کہ انہوں نے اس دوران بھر پور تعاون جاری رکھا ۔کتابوں کی اشاعت میں تیزی آنے اورطباعت کے اخراجات میں اضافے کے بعد یکم جنوری 2025ء کو رکنیت فیس 500روپے سے بڑھا کر 1000روپے کردی گئی اور سابق ممبران سے کہا گیا کہ وہ صرف 500روپے مزید ارسال کرکے اپنی رکنیت جاری رکھ سکتے ہیں جب کہ نئے ممبران کے لیے سالانہ فیس 1000روپے کردی گئی۔
عالمی یوم کتاب کے موقع پر اعلان کیاگیا ہے کہ اراکین کو نہ صرف یہ کہ نئی کتابیں مفت ارسال کی جائیں گی بلکہ نئے ممبر متعارف کرانے والوں کو ایک کتاب کا تحفہ بھی ارسال کیا جائے گا۔اس کے علاوہ کلب کے تمام اراکین گردوپیش کی شائع کی گئی تمام کتابیں پچاس فیصد رعایت پر حاصل کر سکیں گے۔اور اگر انہیں کسی اور ناشر کی کتابیں بھی درکار ہوئیں تو وہ بھی انہیں رعایتی قیمت پر منگواکر بھیجی جائیں گی۔
کلب کے اراکین نے اس اعلان کا خیر مقدم کیا ہے ،اور امید ظاہر کی ہے کہ یہ سہولتیں نئی نسل کو کتاب کی جانب لانے میں معاون ثابت ہوں گی۔
رابطہ نمبر : 03186780423