پنجاب حکومت نے متعدد افسران کے تبادلے کر کے نوٹیفکیشن جاری کر دیا۔ نوٹیفکیشن کے مطابق محمد عمر شیر کو ڈپٹی کمشنر لاہور تعینات کر دیا گیا۔ ڈپٹی کمشنر راولپنڈی عامرعقیق کا تبادلہ کرکے ، او ایس ڈی بنا دیا گیا۔ ڈپٹی کمشنر فیصل آباد محمد علی کا تبادلہ، ڈی سی راولپنڈی تعینات کر دیا گیا۔ کمشنر ملتان جاوید اختر کا تبادلہ، او ایس ڈی بنا دیا گیا۔ کمشنر ڈی جی خان ارشاد احمد کا تبادلہ، کمشنر ملتان تعینات کر دیا گیا۔اس کے علاوہ ڈپٹی کمشنرملتان علی شہزاد کو ڈپٹی کمشنر فیصل آباد تعینات کردیا جبکہ ایڈیشنل سیکرٹری وزیراعلی آفس پنجاب کو ڈپٹی کمشنرملتان تعینات کیاگیا ہے۔
اس کے علاوہ 8 سیکرٹریز کے بھی تبادلے کر دیئے گئے۔ سیکرٹری پرائمری ہیلتھ کیئر سارہ اسلم کا تبادلہ، سارہ اسلم کو کمشنر ڈی جی خان تعینات کر دیا گیا۔ احمد جاوید قاضی سیکرٹری اسپیشلائزڈ ہیلتھ تعینات، جاوید اقبال بخاری سیکرٹری ہائر ایجوکیشن تعینات، عمران سکندر بلوچ سیکرٹری پرائمری ہیلتھ کیئر تعینات اور مجاہد شیر دل کو سیکرٹری پی اینڈ ڈی تعینات کر دیا گیا۔
