نامور افسانہ نگار،مترجم اورنقادڈاکٹرآصف فرخی انتقال کرگئے

کراچی : نامور نقاد،مترجم، کالم نگار ،افسانہ نگارآصف فرخی یکم جون کوکراچی میں انتقال کرگئے۔ان کی عمر61برس تھی۔
آصف فرخی پیشے کے لحاظ سے ایم بی بی ایس ڈاکٹرتھے۔ وہ 12ستمبر1959ءکو پیدا ہوئے۔ انہوں نے بہت سی انگریزی کتابوں کا اردو میں ترجمہ کیا۔انہوں نے پاکستانی لکھاریوں کے تعارف پرمبنی کتاب بھی مرتب کی۔آصف فرخی ڈان سمیت مختلف اخبارات وجرائد میں اردو اورانگریزی میںکالم لکھتے تھے۔انہوں نے دنیازاد کے نام سے ادبی جریدے کابھی اجرا کیاجس کے کئی یادگارنمبرشائع ہوئے۔ انہیں حکومت پاکستان کی جانب سے تمغہ امتیازسے نوازا گیا۔ ان کے والداسلم فرخی کا شماربھی نامورقلمکارں میں ہوتاتھا۔ان کے انتقال کی اچانک خبرنے ادبی حلقوں کو اداس کردیا۔