نامور شاعر ،افسانہ نگار اورصحافی احمدندیم قاسمی کوہم سے بچھڑے 18برس بیت گئے ۔احمدندیم قاسمی 20نومبر1916ءکو خوشاب کے نواحی گاﺅں انگہ میں پیداہوئے ۔3سال کی عمر میں ان کے والد کاسایہ سرسے اٹھ گیا ۔میٹرک کاامتحان انہوں نے 1930میں گورنمنٹ ہائی سکول شیخوپورہ سے پاس کیا ۔1935ءمیں بی اے کے بعد لاہور آگئے اورصحافت سے منسلک ہوئے ۔بچوں کے رسالے ”پھول “ خواتین کے جریدے ”تہذیب نسواں “،”ادب لطیف “اور”نقوش “سے منسلک رہے ۔انجمن ترقی پسند مصنفین کے جنرل سیکرٹری منتخب ہوئے لیکن پھر اس سے علیحدگی اختیار کرلی ۔ادبی رسالہ” فنون“ شائع کیا،روزنامہ امروز ،جنگ اورحریت میں کالم لکھتے رہے ،ان کی 50سے زیادہ کتابیں شائع ہوئیں ۔حکومت پاکستان نے انہیں تمغہ حسن کارکردگی اور سب سے بڑے سویلین اعزاز نشان امتیاز سے بھی نوازا ۔10جولائی 2006ءکو ان کا لاہور میں انتقال ہوگیا۔
Previous Articleیاسر پیر زادہ کا کالم : نیا کالم
Next Article وجاہت مسعود کا کالم: 72 سالہ خالد سہیل سے اختلاف