ہزاروں برس تک انسان اپنی کہانیاں، تجربات، عقائد اور معلومات زبانی طور پر اگلی نسلوں تک پہنچاتا رہا۔انسان کے قدیم اجداد نے زبان سے پہلے بھی آوازوں اور اشاروں کے ذریعے رابطہ کیا ہوگا۔ بولی جانے والی زبان کی ابتدا کی درست تاریخ معلوم نہیں، اس کا ارتقا غالباً ایک طویل عمل تھا۔ پہلی زبان کے اصل الفاظ، اس کے تلفظ اور گرامر کے بارے میں ہمارے پاس براہِ راست شواہد نہیں۔انسانی گروہوں کے الگ ہونے، نقل مکانی اور ثقافتی میل جول سے بولیاں اور پھر مختلف زبانیں وجود میں آتی رہیں۔
تحریر بولی جانے والی زبان کے مقابلے میں بہت بعد میں وجود میں آئی، تقریباً پانچ ہزار سال پہلے میسوپوٹیمیا اور مصر میں اس کے واضح شواہد ملتے ہیں۔ لکھنے سے انسان کو حساب، قانون، کہانی اور عقیدہ محفوظ کرنے میں مدد ملی اور پھر جیسے جیسے اس نے سوچنا، قیاس کرنا، مشاہدات اور تجربات کرنا شروع کیا مختلف علوم وجود میں آئے جو اس نے لکھے اور محفوظ کیے۔
دنیا میں 5 سب سے بڑے لسانی خاندان ہیں۔
1. ہند یورپی خاندان (Indo-European) – دنیا کی 46% آبادی
یہ سب سے بڑا خاندان ہے۔ اس میں اردو، ہندی، پنجابی، سرائیکی،فارسی، انگریزی، فرانسیسی، روسی، جرمن سب شامل ہیں۔
2. چینی تبتی خاندان (Sino-Tibetan) – 21%
چینی، تبتی، برمی زبانیں۔
3. نائجر کانگو (افریقی) – 7%
سواحلی، یوروبا وغیرہ۔
4. افرو ایشیائی (Afro-Asiatic) – 6%
عربی، عبرانی، امہری، بربر۔
5. آسٹرونیشیائی – 5%
انڈونیشیائی، ملائی، ٹیگالی۔
ہند یورپی، آریائی اور ہند آریائی کا رشتہ – ایک شجرہ
اسے ایک درخت سمجھیں
ہند یورپی (Indo-European) – جڑ
|
|— ہند ایرانی (Indo-Iranian) شاخ
|
ایرانی شاخ- فارسی، پشتو، بلوچی، کردی، اوستا
|
ہند آریائی شاخ (Indo-Aryan) سنسکرت، پالی، پراکرت، اردو، ہندی، پنجابی، سرائیکی سندھی، بنگالی، مراٹھی، گجراتی
|
یورپی شاخیں جرمنی (انگریزی، جرمن)، لاطینی (فرانسیسی، ہسپانوی)، سلاوی (روسی)، کیلٹک، یونانی وغیرہ
1. ہند یورپی (Indo-European):ل یہ لسانی اصطلاح ہے، نسلی نہیں۔ تقریباً 4500-2500 قبل مسیح میں بحیرہ اسود کے شمال میں ایک قوم آباد تھی جس کی زبان سے یہ ساری زبانیں نکلیں۔ اس قوم کو ماہرین لسانیات Proto-Indo-Europeans کہتے ہیں۔
2. آریائی (Aryan) یہ لفظ خود بہت متنازعہ ہو گیا ہے۔ اصل میں سنسکرت کے لفظ _आर्य_ اور اوستائی _airya_ سے نکلا ہے جس کا مطلب ہے "شریف، معزز”۔ قدیم ایرانی اور ہندوستانی اپنے آپ کو آریہ کہتے تھے۔ انگریزوں اور پھر جرمن نازیوں نے اسے ایک نسل بنا دیا، جو غلط ہے۔ جدید لسانیات میں "آریائی” کا لفظ اکیلے استعمال نہیں ہوتا، بلکہ "ہند ایرانی” یا "ہند آریائی” استعمال ہوتا ہے۔3. ہند آریائی (Indo-Aryan) یہ ہند ایرانی کی ایک ذیلی شاخ ہے جو برصغیر میں آئی۔ اس کی تاریخ 3 دوروں میں ہے:
الف) قدیم ہند آریائی (1500 – 600 ق م) ویدک سنسکرت، پھر کلاسیکی سنسکرت۔ وید اسی میں ہیں۔
ب) وسطی ہند آریائی (600 ق م – 1000 عیسوی) پراکرت زبانیں اور پالی۔ بدھ مت کی کتابیں پالی میں ہیں۔ اسی دور میں پراکرتوں سے اپ بھرنش زبانیں نکلیں۔
ج) جدید ہند آریائی (1000 عیسوی سے آج) اپ بھرنش سے آج کی زبانیں بنیں – برج، اودھی، پنجابی، سندھی، سرائیکی، اور پھر ان سے اردو، ہندی۔
اردو جدید ہند آریائی زبان ہے۔ اس کا بنیادی ڈھانچہ (فعل، ضمیر، جملے کی ساخت) شورسینی اپ بھرنش سے آیا ہے، لیکن اس نے ہزار سال میں فارسی، عربی، ترکی اور اب انگریزی سے بے پناہ الفاظ لیے ہیں۔ اسی لیے اردو کو ہند یورپی خاندان کی ایک ایسی زبان کہا جاتا ہے جس نے سامی (عربی) خاندان سے سب سے زیادہ استفادہ کیا۔
