جاوید یاد کا کا لم : جیسیکا کی حقیقت اور جانوروں کی وفاداری

؂جانوروں کی انسانوں کے ساتھ وفا داری ہمیشہ سے بے مثال رہی ہے۔کبھی گائے اور بھینس کی شکل میں،کبھی بھیڑ اور بکری کی شکل میں، کبھی گھوڑے اور گدھے کی شکل میں، کبھی شیر،کبھی چیتے ،کبھی ہاتھی اور یہاں تک کہ پانی میں رہنے والے جانوروں پنگوئن اور ڈولفن کی شکل میں۔۔۔۔۔۔
غرض کہ انسانوں کی بے وفائی اور جانوروں کی وفاداری کی کہانیاں ہم روز سنتے اور پڑھتے رہتے ہیں۔ کل ہی میں ایک پنگوئن کے بارے پڑھ رہا تھا کہ ارجنٹائن ایک شخص João نے جس کی 70 سال ہے ایک پینگوئن Penguin کے بچے جس کا نام جنگنگ رکھا کو اس وقت پال کر بڑا کیا جب اس کے بال نہیں آئے تھے اور اسے ایک سال پالا ،اس کے بعد وہ اپنی دنیا میں چلا گیا لیکن اب وہ ہر سال João کو ملنے آتا ہے اور وہ کبھی نہیں بھولتا کہ Joao نے اس کی ز ندگی بچائی اور اسے پال پوس کر بڑا کیا۔ وہ اب سال تقریباً 5 ہزار میلوں کا سفر کر کے اسے ملنے آتا ہے ۔
دو ماہ پہلے میں نے اپنے ایک کالم میں ایک ڈولفن کی کہانی لکھی تھی ایک شکاری جم اپنی بیٹی کے ساتھ سمندر میں شکار کر رہا ہوتا ہے اور اسے اپنے کندھے پر نرم سا لمس محسوس ہوتا ہے جب وہ مڑ کر دیکھتا ہے تو ایک ڈولفن کچھ بتانے کی کوشش کر رہی ہوتی ہے وہ اس کے پیچھے پانی میں جاتا ہے جہاں اس کی ساتھی ڈولفن جال میں پھنسی ہوتی ہے وہ اور اس کی بیٹی جال کاٹ کر اسے آزاد کراتے ہیں۔ اسی وقت وہ ڈولفن ایک بچے کو جنم دیتی ہے اور تینوں ان کی طرف شکریہ والی نظروں سے دیکھتے پانی میں گم ہو جاتے ہیں۔میں ڈولفن کا ذکر اس لئے کر رہا ہوں کہ چند دنوں سے ایک لڑکی جیسیکا Jycceca کا سوشل میڈیا پر بڑا ذکر ہو رہا ہے جو ڈولفن مچھلی کی ٹرینرر تھی اور اس کے ساتھ شو کرتی تھی ،ایک شو کے دوران ڈولفن نے غصے میں آ کر اسے نگل لیا۔اور ساتھ یہ بھی کہا جا رہا ہے کہ جانور تو جانور ہی ہوتا ہے۔۔۔۔ ۔۔۔ل
یکن کل ایک خبر پڑھنے اور دیکھنے کو ملی کہ یہ خبر فیک ہے۔اس نام کی کوئی نہیں، جس پارک کا ذکر کیا جا رہا اس کا کوئی وجود ہی نہیں، نا کوئی ایسی جگہ ہے جہاں یہ شو ہوتا تھا۔ بہت دکھ ہوتا ہے ایسے لوگوں پر جو رقم کمانے کیلئے ایسی فیک خبریں تیار کرتے ہیں۔انسانوں کو تو بدنام کرتے ہی ہیں۔ان کی وفا پر تو شک کیا جا سکتا ہے لکین جانور تو ہمیشہ وفا شعار ہوتے ہیں۔ اپنے ایک شعر کے ساتھ بات کو ختم کرو گا۔
بے وفائی بھری ہے انساں میں
؂جانور تو وفا کے پتلے ہیں
بس یہی بات سوچنے کی ہے کہ ہم کہاں کھڑے ہیں اور ہمارا رخ کدھر ہے