پیپلز پراگریسوسٹڈی سرکل ضلع لیہ کا ایک اجلاس "بیاد ڈاکٹر اے بی اشرف”پروفیسر ڈاکٹر مزمل حسین (صدر پیپلز سٹڈی سرکل ضلع لیہ)کی صدارت میں ہوا۔جس میں اردو کے معروف نقاد،ادیب ،استاد اور دانشور پروفیسر اے بی اشرف کی وفات پر اظہار افسوس کیا گیا اور ان کی علمی ،ادبی اور تعلیمی خدمات کا اعتراف کرتے ہوئے انھیں زبردست خراج عقیدت پیش کیا گیا ۔
مقررین نے کہا ڈاکٹر اے بی اشرف کی علمی وادبی خدمات کئی دہائیوں کو محیط ھیں۔ان کے وفات سے بطور خاص اردو تحقیق و تنقید کا ایک باب بند ہوا ہے ۔آ پ نے پاکستان اور ترکی میں کئی برسوں تک علم کی شمع روشن رکھی۔آ پ کی وفات پر سارا وسیب سوگوار ہے ۔اجلاس میں لیہ کے بہت سے اہم ادباء اور شعراہ نے شرکت کی اور اے بی اشرف کی خدمات کا اعتراف کیا۔اجلاس میں ڈاکٹر حمید الفت،ڈاکٹر گل عباس اعوان،ڈاکٹر افتخار بیگ ،منظور بھٹہ،صابر عطا،صابر جاذب ،فرید اللہ چودھری،میاں امداد حسین،پروفیسر ریاض راہی،ڈاکٹر افضل صفی اور ڈاکٹر جرات عباس نے خصوصی طور پر شرکت کی۔
( رپورٹ: میاں شمشاد حسین سرائی )
