اردو کے معروف نقاد، شاعر ڈاکٹر انور سدیدکی آٹھویں برسی آج منائی جارہی ہے

اردو کے معروف نقاد، شاعر ڈاکٹر انور سدیدکی آٹھویں برسی آج منائی جارہی ہے
اردو کے معروف نقاد، شاعر اور مدیرڈاکٹر انور سدید کی آٹھویں برسی آج منائی جارہی ہے۔ڈاکٹر انور سدیدکااصل نام محمدانوار الدین تھا ۔
وہ 4دسمبر 1928ءکو سرگودھا میں پیدا ہوئے۔انہوں نے ابتدائی تعلیم سرگودھا سے حاصل کی ۔انہوں نے جامعہ پنجاب سے ادیب فاضل کیا ۔1966ءمیں ڈاکٹر انور سدید نے انسٹی ٹیوٹ آف انجینئرس ڈھاکہ سے سول انجینئرنگ کی ڈگری حاصل کی۔وزیرآغا کے ایما پر انہوں نے ایم اے اردو کیا اور” اردو اب کی تحریکیں“کے عنوان سے مقالہ لکھ کرپی ایچ ڈی کی ڈگری حاصل کی۔
انہوں نے اپنے کیریئر کا آغاز محکمہ آبپاشی میں محرر کی حیثیت سے کیا۔1988ءمیں محکمہ آبپاشی سے سپریٹنڈنگ انجینئر کے عہدے سے سبکدوش ہوئے۔آپ زمانہ طالب علمی سے شعر ادوب سے وابستہ ہوگئے۔ڈاکٹر انور سدیدنے مختلف رسائل و جرائد کی ادارت بھی کی۔ آپ نے روزنامہ خبریں اور روزنامہ نوائے وقت کے ادارتی عملے کی قیادت کی۔آپ نوائے وقت میں”گفتنی“کے عنوان سے کالم لکھتے رہے۔
آپ کی 41کتابیں منظر عام پرآئیں۔ ڈاکٹر انور سدید20مارچ 2016ءکو لاہور میں انتقال کرگئے تھے