اسلام آباد:مخصوص نشستوں کے امیدواروں کیلئے گوشوارے جمع کرانے کا آج آخری روز ہے، گوشوارے جمع نہ کروانے والے امیدواروں کی کامیابی کا نوٹیفکیشن جاری نہیں کیا جائے گا۔
الیکشن کمیشن کے مطابق فارم 33 میں نام والے قومی اور صوبائی اسمبلیوں کے امیدوار گوشوارے جمع کرائیں۔ گوشوارے جمع نہ کرانے پر امیدوار کی کامیابی کا نوٹیفکیشن جاری نہیں کیا جائے گا۔
خیال رہے کہ قومی اسمبلی میں مخصوص نشستوں کے حصول کو یقینی بنانے کیلئے پاکستان تحریک انصاف (پی ٹی آئی) کے حمایت یافتہ 82 ایم این ایز نے سنی اتحاد کونسل میں شمولیت اختیار کر لی ہے۔
تحریک انصاف کے سندھ سے کامیاب 9 آزاد ایم پی ایز بھی سنی اتحاد کونسل کے ہوچکے ہیں۔
سنی اتحاد کونسل کے سربراہ صاحبزادہ حامد رضا نے ایم این ایز کی فہرست اور بیان حلفیہ الیکشن کمیشن میں جمع کرادیے۔
(بشکریہ: جیو نیوز)
