اسلام آباد:اسلام آباد الیکٹرک سپلائی کمپنی (آئیسکو) کی جانب سے اڈیالہ جیل کو بجلی کی فراہمی معطل کردی گئی۔
بجلی کی فراہمی معطل ہونے کے بعد اڈیالہ جیل میں بجلی کا متبادل نظام نہ ہونے سے قیدیوں کو مشکلات کا سامنا ہے جبکہ جیل کا نظام بھی متاثر ہوگیا ہے۔
ذرائع کا کہنا ہے کہ آئیسکو نے بجلی سپلائی معطلی کا مراسلہ جیل انتظامیہ کو 13 دسمبر کو جاری کیا تھا جس میں کہا گیا تھا کہ 132 کے وی ٹرانسمیشن لائن پر کام جاری ہے ، ملحقہ علاقوں میں بجلی معطل رہےگی۔
مراسلے میں بتایا گیا تھا کہ ٹرانسمیشن لائنز پر کام ہونے پر 13 ملحقہ علاقوں میں سپلائی معطل رہے گی۔
ذرائع کا کہنا ہے کہ بجلی معطلی سے موبائل سگنل جیمرز نے بھی کام کرنا چھوڑ دیا۔
ذرائع کے مطابق اڈیالہ جیل کے اندر اور اطراف موبائل انٹرنیٹ سروس دستیاب ہوگئی،جیل میں صرف دو جنریٹر کام کر رہے ہیں جن سے کام چلانا مشکل ہوگیا۔
(بشکریہ: جیو نیوز)
