کراچی:پاکستان سپر لیگ کے نویں سیزن کے لیے کراچی کنگز نے شان مسعود کو ٹیم کا کپتان مقرر کردیا۔
کراچی کنگز کی ٹیم نے شان کو اس سال ملتان سے ٹریڈ پر حاصل کیا تھا۔
اس حوالے سے کراچی کنگز نے سوشل میڈیا اکاؤنٹ ایکس پر ٹوئٹ کی اور بتایا کہ آئندہ ایچ بی ایل پی ایس ایل کے سیزن کے لیے ٹیم کی قیادت شان مسعود کریں گے۔
ٹوئٹ میں کراچی کنگز نے لکھا ‘کنگز اسکواڈ کا شان دار کپتان’۔
پچھلے ایڈیشن میں کراچی کی قیادت کرنے والے عماد وسیم اب اسلام آباد کا حصہ ہیں۔
واضح رہے کہ پی ایس ایل سیزن 9 کا پلیئرز ڈرافٹ آج لاہور میں ہوگا۔
(بشکریہ: جیو نیوز)
