ملتان : ملک بھر کی طرح ملتان میں بھی ریڈیوپاکستان کے برطرف ملازمین کی بحالی کاعمل مکمل ہوگیااورریڈیوپاکستان ملتان کے برطرف کئے جانے والے 45ملازمین نے اپنے فرائض انجام دیناشروع کردیئے ۔
ان ملازمین کی بحالی تین سال کے بعد عمل میں آئی ہے ۔20اکتوبر 2020عمران خان کے دور حکومت میں ملک بھر سے ریڈیوپاکستان کے ایک ہزار ملازمین کو بیک جنبش قلم ملازمتوں سے فارغ کیاگیاتھا۔ملتان سے برطرف ہونے والے 45ملازمین میں نائب قاصد ،مالی ،ڈرائیور ،پروڈیوسر،ڈیوٹی آفیسر ،اکاﺅنٹس اوردیگرشعبوں سے تعلق رکھنے والے افراد بھی شامل تھے ۔
ملازمین کی بحالی کے بعدریڈیوپاکستان ملتان میں خوشی کی لہر دوڑ گئی ۔ملازمین نے اس موقع پرمٹھائیاں تقسیم کیں اورایک دوسرے کو ہارڈالے ۔ان ملازمین کی بحالی قومی اسمبلی کی قائمہ کمیٹی برائے برطرف ملازمین کی کاوشوں کے نتیجے میں عمل میں آئی ہے ۔
