محکمہ انسداد دہشت گردی (سی ٹی ڈی) پنجاب نے ملتان میں کارروائی کے دوران کالعدم تحریک طالبان پاکستان(ٹی ٹی پی)کے اہم کمانڈر کوگرفتار کرلیا۔
سی ٹی ڈی کے ترجمان کے مطابق یہ کارروائی خفیہ ایجنسیوں کی اطلاعات کی بنیاد پر کی گئی۔ اس آپریشن کے دوران دہشت گردشناخت کمال کے نام سے ہوئی ۔ترجمان نے بتایا کہ دہشت گرد کے قبضے سے بارودی مواد، فیوز، فون اور نقدی برآمد ہوئی۔ اس کے خلاف مقدمہ درج کرکے تفتیش شروع کردی گئی ہے۔
سی ٹی ڈی کے بیان میں مزید کہا گیا ہے کہ رواں ہفتے کے دوران دہشت گردوں کی تلاش کے سلسلے میں479 آپریشن کیے گئے جن میں25 مشتبہ افراد گرفتار کیے گئے۔اس دوران جبکہ اس دوران 17ہزار398 افراد سے پوچھ گچھ بھی کی گئی۔
