ملتان ( اے پی پی ) احمد پور شرقیہ سے تعلق رکھنے والے معروف شاعر،اد یب اورماہر تعلیم پروفیسر شہزاد احمد خان کو پنجاب یونیورسٹی نے کشمیریات میں ماسٹرز کی ڈگری دے دی جس کے بعد شہزاد احمد خان نے پاکستان کی مختلف یونیورسٹیوں سے ایم اے کی 14ڈگریاں حاصل کرنے کا اعزاز حاصل کرلیا۔
پروفیسر شہزاد احمد خان گورنمنٹ صادق عباس گریجویٹ کالج ڈیرہ نواب میں اسسٹنٹ پروفیسرکے طورپرفرائض انجام دے رے ہیں۔ اس سے قبل وہ ابلاغیات میں ایم۔ایس۔سی اور انگریزی ادب،اردو ادب،فلسفہ،بین الاقوامی تعلقات، سیاسیات، تاریخ ، ایجوکیشن،اسلامیات، پاکستان سٹڈیز،فارسی، پنجابی اور سرائیکی میں ایم اے کی ڈگریاںحاصل کرچکے ہیں۔ اس کے علاوہ وہ ایل۔ایل۔بی اور ایم فل بھی کر چکے ہیں۔جامعہ کراچی سے ان کا پی ایچ-ڈی ( اردو) کے لئے تحقیقی مقالہ بعنوان”عاصی کرنالی ۔احوال وآثار”پایہ تکمیل کو پہنچ چکا ہے ۔شہزاد احمد خان کے تین شعری مجموعے منظرعام پرآچکے ہیں جبکہ دیگر کتب اشاعت کے مراحل میں ہیں۔
