ملتان (اے پی پی):نامورشاعر،دانشور،ماہرتعلیم اور”میں نے روکا بھی نہیں اوروہ ٹہرابھی نہیں”جیسی شہرہ آفاق غزل کے خالق ڈاکٹراسلم انصاری نے کہاہے کہ وہ اگر چاہتے تو لاہور کو اپنا مسکن بنا سکتے تھے ۔ لاہور میں ان کے سامنے پرواز کے لئے ایک وسیع آسمان تھا ، لیکن ان کے لیے ان کا خطہ اورمٹی اس لئے اہم تھی کہ ان کی جڑیں اسی زمین میں ہے یہی ان کے اجداد کامسکن ہے ۔
ان خیالات کاا ظہارانہوں نے اپنی 84 ویں سالگرہ کے موقع پراے پی پی سے گفتگوکے دوران کیا ۔ انہوں نے کہا کہ وہ ملتان کی تاریخ اورثقافت کے حوالے سے اپنے تحقیقی مضامین کانیامجموعہ ترتیب دے رہے ہیں اس کے علاوہ ان کی شاعری کانیا مجموعہ بھی جلد منظر عام پرآئے گا۔اس موقع پران کی دوجلدوں پرمشتمل کلیات کی بھی رونمائی ہوئی ۔معروف شاعر،کالم نگاراے پی پی اردوسروس ملتان کے سربراہ رضی الدین رضی اورصدارتی ایوارڈ یافتہ، کالم نگارودانشورشاکر حسین شاکر بھی سالگرہ کے موقع پر موجود تھے ۔
