ملتان۔ (اے پی پی):معروف شاعر حزیں صدیقی کو ہم سے بچھڑے 27برس بیت گئے۔ ان کااصل نام عفیف الدین تھا۔1942 میں شاعری کاآغاز کیا۔احسان دانش کی شاگردی اختیار کی۔ 1947 سے1949 تک آل انڈیاریڈیو سے منسلک رہے۔ ریڈیوڈراموں میں صداکاری کی ۔
قیام پاکستان کے بعد وہ ہجرت کرکے ملتان آگئے۔کچھ عرصہ بعد فلمسازشاب کیرانوی کےادارے کے ساتھ منسلک ہوگئے۔فلموں کےڈائیلاگ لکھے۔ 1975 میں ملتان واپس آگئے اورروزنامہ امروزمیں پروف ریڈرکےطور پر منسلک ہوئے۔
حزیں صدیقی کی ادبی بیٹھک ان کی پہچان تھی۔ وہاں روزانہ شعرا جمع ہوتے تھے ۔ان کی مطبوعہ کتابوں میں ”قفس رنگ“ اور”حرف ابد“ شامل ہیں۔ وہ27دسمبر1995ءکو کینسر کے باعث انتقال کرگئے۔
