شہزاد فرید کا حرف آخر:علیم خان نے عمران خان کا پیغام جہانگیر ترین کو پہنچا دیا

سیاست بالخصوص پاکستان جیسے ملک میں اصول و ضوابط سے بالاتر سمجھی جاتی ہے۔ ماضی ہو یا مستقبل۔۔سیاسی داو بیچ روزبروز نچلے درجوں تک پہنچنا شروع ہوچکے ہیں۔۔2018 کے الیکشن سے قبل جہانگیر ترین کے جہاز نے حدف سے زیادہ سیاسی پنچھی لاکر عمران خان کی جھولی میں تو ڈال دیے لیکن الیکشن گزرتے ہی جہانگیر ترین کی سیاسی نیکیاں دریا برد ہوگئیں اور اب 2023 کا الیکشن تحریک انصاف کے لیے مزید مشکل لگ رہا ہے۔
ایک طرف پنجاب اور وفاق میں حکومت کے خلاف عدم اعتماد کے لیے اپوزیشن جماعتوں نے کمر کس لی ہے تو دوسری جانب ممبران کی اوپن بولیاں لگنے کی خبریں بھی منظر عام پر آرہی ہیں . اسی دوران جہانگیر ترین گروپ کی اہمیت بہت بڑھ گئی.. اپنی اہمیت کو مزید بڑھانے کے لیے جہانگیر ترین کی بیماری لندن جاکر لمبی ہوگئی. جس پر اپوزیشن کے ساتھ ساتھ وزیراعظم بھی تشویش میں مبتلا ہیں. اسی لیے اب مجبور ہوکر وزیراعظم نے علیم خان کو خصوصی ٹاسک دے کر ترین گروپ کے قریب کرکے علیم خان کو خود لندن روانہ کیا. معتبرذرائع بتاتے ہیں کہ علیم خان جہانگیر ترین سے لندن میں تمام معاملات طے کر آئے ہیں. اسی بنا پر وزیر اعظم کھل کھلا کر سرپرائز دینے کے دعوے کررہے ہیں. اسی لیے ترین اور علیم گروپ کے ناراض اراکین اسمبلی کی وزیراعلی سے ملاقاتیں بھی فوری ہوئی ہیں اور انکے تمام مسائل ہنگامی بنیادوں پر حل کرنے کے لیے فوری اقدامات کیے جارہے ہیں.
ایسا لگتا ہے کہ ترین علیم. چوہدری برادران. اور ایم کیو ایم پچ کے دونوں جانب کھیل کر حکومت سے اپنے چھوٹے چھوٹے مطالبات منوانے کے ساتھ ساتھ اپنا وزن بڑھا رہی ہے. تاکہ آئندہ الیکشن میں اپنی بہتر پوزیشن لے سکیں. لیکن پاکستان کی سیاست میں کچھ بھی حرف آخر نہیں ہے.