صدارتی انتخابات سے قبل امریکی صدرٹرمپ اوران کی اہلیہ میلانیامیں کوروناکی تصدیق

واشنگٹن: امریکی صدر ڈونلڈ ٹرمپ اوران کی اہلیہ میلانیا ٹرمپ کو کورونا وائرس ہوگیا ہے۔ صدرٹرمپ نے یہ اعلان پاکستانی وقت کے مطابق صبح دس بجے ٹوئٹ کے ذریعے کیا۔ صدرٹرمپ آج کل صدرانی انتخابی مہم میں مصروف تھے۔ تاہم وہ اوران کی اہلیہ قرنطینہ میں چلے گئے ہی۔ دوروزقبل انہوں نے پہلے صدارتی مباحثے میں حصہ لیاتھا۔اس مباحثے میں ان کے ساتھ جانے والوںکابھی کورونا ٹیسٹ کیا جارہاہے۔ امریکی الیکشن کے موقع پر صدرٹرمپ کا کوروناوائرس دنیا بھر میں بریکنگ نیوز بن گیا۔وہ آج اورآئندہ چند روز میں مختلف انتخابی ریلیوں میں شرکت کرنےوالے تھے۔
اس سے قبل خبر سامنے آئی تھی کہ امریکی صدر ڈونلڈ ٹرمپ کی مشیر اور قریبی ساتھی ہوپ ہکس میں کورونا وائرس کی تشخیص ہوئی ہے جس کے بعد صدر ٹرمپ اور خاتون اوّل میلانیا کے بھی کورونا ٹیسٹ ہوئے ہیں۔ہوپ ہکس منگل کے روز ریاست اوہائیو میں منعقد ہونے والے مباحثے میں شرکت کرنے والے ان اہلکاروں میں تھیں جو صدر ٹرمپ کے ساتھ ان کے طیارے ایئر فورس ون پر موجود تھے۔