کابل: کابل میں سکھوں کی عبادت گاہ پر حملے میں گیارہ افراد ہلاک ہو گئے، جب کہ چار حملہ آور بھی سکیورٹی فورسز کے ساتھ مقابلے میں مارے گئے ،عبادت گاہ سے دس بچوں کو ریسکیو کر لیا گیاہے ۔
افغان دارالحکومت کابل میں بدھ کے روز سکھوں کے دھرم شالا پر حملہ کر دیا گیا، حملے میں 11 افراد ہلاک اور گیارہ ہی زخمی ہو گئے، حملہ شہر کے شور بازار میں ہوا ۔دھرم شالا کی انتظامیہ کے مطابق جب حملہ کیا گیا تو 150 افراد عبادت میں مصروف تھے، کارروائی میں غیر ملکی فوجیوں نے بھی حصہ لیا ۔
