ملتان : میڈیا مالکان کی جانب سے کارکنوں کی ڈاﺅن سائزنگ کاسلسلہ جاری ہے ۔منگل کے روزملتان میں روزنامہ ایکسپریس کاکمپیوٹرسیکشن بند کردیاگیااوراس کے تمام اراکین کوملازمت سے فارغ کردیاگیا۔اخبار نے بہت سے رپورٹرز کوپہلے ہی برطرف کردیاتھا۔ذرائع کے مطابق ایکسپریس ملتان میں اب چند سب ایڈیٹرز اوررپورٹرز کام کررہے ہیں اوران خدشات کوتقویت مل رہی ہے کہ آنے والے دنوں میں روزنامہ ایکسپریس ملتان کو بند کردیاجائے گا یا پھر یہ صرف پرنٹنگ سٹیشن کے طور پر کام کرے گا ۔دوسری جانب روزنامہ نوائے وقت ،روزنامہ جنگ اورروزنامہ دنیا میں بھی بے یقینی کی کیفیت جاری ہے اورکارکن اپنے مستقبل کے بارے میں پریشان ہیں ۔بعض اخبارات میں کارکنوں کی فہرستیں تیار کی جا رہی ہیں جس کے بعد ان کے مستقبل کا فیصلہ کیا جائے گا ۔
