کراچی: گیس مہنگی ہونے کے بعد سی این جی ایسوسی ایشن نے بھی قیمتوں میں اضافہ کر دیا ہے۔سندھ اور بلوچستان ریجن میں سی این جی کی قیمتوں میں 18 روپے فی کلو تک کا اضافہ کر دیا گیا ہے جب کہ کچھ سی این جی پمپس مالکان کی جانب سے سی این جی کی قیمت 102 اور 104 روپے فی کلو مقرر کر دی گئی ہے۔سی این جی پمپس مالکان نے قیمتوں پر اعتراض کرنے والوں کو کہہ رہے ہیں کہ جس نے سی این جی ڈلوانی ہے وہ ڈالوائے ہمارے ساتھ کوئی بحث نہ کرے۔پیٹرول سے سستی فروخت ہونے والی سی این جی اب پیٹرول سے بھی مہنگی ہوگئی ہے۔کراچی ٹرانسپورٹ اتحاد نے کہا ہے کہ سی این جی کی قیمت بڑھنے کے بعد وہ اپنی بسیں نہیں چلا سکیں گے۔حکومت کی جانب سے گیس کی قیمتوں میں اضافے کے بعد ملک کے مختلف شہریوں میں سی این جی مالکان نے اپنے پمپ اسٹیشنز بند کر دیے تھے۔حکومت کی جانب سے گیس کی قیمتوں میں دس سے 143 فیصد تک اضافہ کیا گیا ہے۔
